اسلام آباد میں خاتون اور بچے سمیت 4 افراد کا قتل
📍 اسلام آباد | 📅 تازہ خبر
اسلام آباد میں قتل کی لرزہ خیز واردات سامنے آئی جہاں خاتون اور بچے سمیت 4 افراد کو سر میں گولیاں مار کر قتل کر دیا گیا۔
تفصیلات کے مطابق اسلام آباد کے تھانہ نون کی حدود میں ایک گھر سے خاتون اور بچے سمیت 4 افراد کی لاشیں ملی ہیں، جنہیں گولیاں مار کر قتل کیا گیا۔
پولیس ذرائع کے مطابق
پولیس ذرائع کے مطابق مقتولین میں دو مرد، ایک خاتون اور ایک بچہ شامل ہیں۔
تمام افراد کی لاشیں گھر کے اندر سے برآمد ہوئیں۔ ابتدائی تحقیقات میں انکشاف ہوا ہے کہ چاروں افراد کو سر میں گولیاں مار کر قتل کیا گیا۔
ایک مقتول کی شناخت حبیب الرحمان کے نام سے ہوئی ہے جو سکیورٹی گارڈ تھا اور اپنے خاندان کے ساتھ اسی گھر میں رہائش پذیر تھا۔
پولیس نے واقعے کی تحقیقات شروع کر دی ہیں اور مختلف پہلوؤں سے شواہد اکٹھے کیے جا رہے ہیں۔
یہ خبر مختلف ذرائع سے حاصل کی گئی ہے، مزید تفصیلات سامنے آنے پر اپڈیٹ کی جائے گی۔
